-تشوف يا خويا الأم من دول مع ولادها ..تبقى عايز تسألهم مامتكم فين يا حلوييين !!؟ ...تيجي تتصور جنب بنتها تبقى عايز تعاكسهم هما الاتنين 😉
..تتصور جنب إبنها اللي أطول منها ...تبقى عايز تقوله #انت_معلم 😎 ... #أمهات_آخر_زمن😏
-و لا بوز البطة و الشقاوة و الدلع اللي بيتصوروا بيها و هما بياخدوا سيلفي 60 مرة ف الدقيقة ... #أمهات_اخر_زمن 😏
-و تلاقيها كدة مهتمة بنفسها و لبسها و ع الموضة ...مانيكور و باديكور و اكسسوارات ... كإنك بتتفرج على قناة fashion .. تدخل هي و بنتها يشتروا من نفس المحل و ساعات يبلسوا من بعض كمان #أمهات_آخر_زمن 😏💅
-و اول ماتتخن ...على طول تجري على الجيم او تروح النادي تلف التراك ...و تبقى لافحة إبنها على صدرها و هي لسة والدة و تقوم رايحة ترقص زومبا 💃
.. #أمهات_آخر_زمن😏
-تمارين و برايفت و صحيان بدري و رجوع ف نص الليل و كل دة علشان ايه !!؟؟؟ يبقى رياضي و بطل و جسمه و صحته.. #أمهات_آخر_زمن😏💪
-دروس دين و حفظ قرآن ف الجامع و بتخلي ابنها إمام عليها كمان و هما بيصلوا جماعة ...بتهتم بدينهم و دنيتهم #أمهات_آخر_زمن
-و لو الولد نفسيته تعبانة و لا عنده أي مشكلة ...جري تدور على دكاترة أطفال نفسيين او مستشارين تربوين !!!!👀
#أمهات_آخر_زمن😏
-كل ما تسمع عن كورس تنمية بشرية او القائد الصغير او روبوتيك ...جري تعمل ابليكيشن و تعمل المستحيل علشان تحجزلهم 😎...#أمهات_آخر_زمن😏
-تقعد تتفرج على قناة فتافيت و سي بي سي سفرة علشان تفننلهم ف طبخات و اكلات مفيدة و صحية و شكلها حلو و تفتح النفس...
#أمهات_آخر_زمن😏
-اتعلمت تعمل برجر و بيتزا و كنتاكي ف البيت علشان تحميهم من اكل برة و كله يبقى healthy و organic #أمهات_آخر_زمن😏
-اتعلمت لغات مخصوص و خدت كورسات علشان تعرف تذاكر لولادها فرنساوي و الماني #أمهات_آخر_زمن😏
-عندها أكاونت فيس و تويتر و إنستجرام ..و طول الليل و النهار تعمل سيرش و شير مع ولادها و تشوف مصاحبين مين و بيتفرجوا على إيه #أمهات_آخر_زمن😏
-بتلعب كاندي كراش و كلاش أوف كلانز و بايرت كينجز و سيم سيتي و بتتنافس مع ولادها مين أشطر ...و هيجيب آخرها 💪
#أمهات_آخر_زمن😏
-عاملة جروبات واتساب مع أمهات أصحاب ولادها ف المدرسة و النادي علشان تتابع كل الأخبار أول بأول #أمهات_آخر_زمن😉
-مصاحبة ولادها و بتقعد معاهم على الكافيه و تروح السينما يتفرجوا على minions و يطلعوا يضحكوا و هما الإتنين مستمتعين... #أمهات_آخر_زمن😂
-بتعرف تئلش و تقول افيهات و تضحك و يوروا بعض كوميكس و بيعملوا Dubsmash ...#أمهات_آخر_زمن😂
-الموبايل ف ايديها ليل نهار و اي معلومة ف الدنيا بتجيبها ف ثانية..شعارها دائما ( Google it )... #أمهات_آخر_زمن😉
-لو خيروها ما بين شغلها و مستقبلها و بين أولادها فى الفترة اللي محتاجينلها فيها...(غالبا) لو #ظروفها_الماديةتسمح بتختار اولادها و تضحي بكل حاجة .... #أمهات_آخر_زمن😍
-لو ظروفها اضطريتها تكون single_mother# ..بتتحمل المسئولية و بتربي اولادها احسن تربية ..و بتبقى 100 راجل ف بعض ...تشتغل و تكافح و تيجي على نفسها علشان مايحسوش ابدا بأي تقصير او نقص #أمهات_آخر_زمن💪
أمهات آخر زمن اولادها كل حياتها ... بتحاول و تفهم و بتطور معاهم...عارفة أسرارهم ..بتتكلم زيهم...فاهمة إهتمامتهم ... بتاخد بالها منهم و ف نفس الوقت #مش_ناسية_نفسها
أمهات آخر زمن عرفت إزاي ما تجيش على نفسها ..التضحية لها حدود ... فهمت إن علشان ولادها يبقوا مبسوطين ...هي كمان لازم تكون #مبسوطة ...#متوازنة_نفسيا و #مرتاحة..عرفت تعمل التوازن بين نفسها و مسئولياتها ..إهتمت بنفسها لنفسها قبل ما يكون لأي حد تاني ...💪
أمهات آخر زمن مهما كبرت #مش_هتعجز ..لإنها إتأكدت إن العجز عمره ما يكون بالسن و لا الشكل ..#العجز_الحقيقيف الروح و الفكر ...💆
أمهات آخر زمن... حطت أولوياتها و طبقتها ??
أمهات آخر زمن...بتجرب..بتقع..بتحاول..بتقوم..بتتعلم..بتصر تنجح
أمهات آخر زمن ...#هما_احنا 😌🙋👸
#تحية_لأمهاتنا اللي كانوا قدوة لينا و علمونا ازاي نبقى كدة
#تحية_لكل_أب ساعد زوجته و عرف واجبه ناحية بيته و اولاده
#تحية_لكل_الأمهات اللي فاهمين قدسية دورهم و اهميته
#تحية_لكل_أم_من_كل_زمن
#ياسمين_الفيلالي
